ما تأثـرت بغيابـك ويـش يعنـي دمعتيـن

لعنبو قصة غرامن كل ابوها كلمتين
ابتدينـا عنـد احبـك وانتهينـا عنـد بـاي
تونـا مامشيـنـا فالـهـوى لوخطوتـيـن
وانتهى الموضوع كله حتى ماعرف وش خطاي
ونتهت قصّة حياتي بكـل سهولـه تحكميـن
وين احبك؟وين اريدك؟وين ساكن في حشـاي
يمكن انـك ماوفيتـي يـوم جيتـي تعشقيـن
ويمكن انك تحسبينـي بتبعـك مـن دون راي
ويمكن أصلا ماعشقتي بـس كنتـي تلعبيـن
ويمكن انك ماوصلتي فـي هـواك لمستـواي
ويمكن انـي ماعرفتـك فالحقيقـه وش تبيـن
ويمكن اني خنت نفسي..يوم اعطيتـك وفـاي
علمينـي فالهـوى ياجاهلـه وش تعرفـيـن
تعرفين انك غديتي (شي)يجـري فـي دمـاي
علمينـي فالعطـاء والتضحيـه وش تفهميـن
لعنبو حيك عشانـك بعـت اقـرب اقربـاي
كنت احطك في عيوني تسرحيـن وتمرحيـن
كنت اشيل هموم قلبك وارمي همومـي وراي
كنت اطير من السعاده يوم اشوفك تضحكيـن
كنت ذايب في هواااك مثل سكر وسـط مـااي
كنت نايم فالعسل وارسم مـن الفرحـه سنيـن
كنت اظنك قلب عاشق ماسكن وسطه سـواي
مادريـت الاوانتـي في خفوقـي تطعنيـن
مادريت الاوسيفـك بالحشا..رايـح وجـااي
كنتيورده بس والله ماحسبتك تجرحين
كل شي فينـي جريـح الا فخامـة كبريـاي
ما تأثـرت بغيابـك ويـش يعنـي دمعتيـن
بكره انسى صدقيني وارجـع بكامـل قـواي
ادري ان حنا افترقنـا بـس ابفهـم حاجتيـن
علميني وش كسبتي؟وعلمينـي وش خطـاي؟
اصلا الموضـوع كلـه مـا تعـدى كلمتيـن
التقينا عند ( احبك ) وافترقنـا عنـد ( بـأي)

من اروع ما قرت اشكرك على حسن طرحك

ويسعدني انا اكون اول من يرد عليك

تقبلي ودي ..~×

صعب انسأآإك [ندعوك للتسجيل في المنتدى أو التعريف بنفسك لمعاينة هذه الصورة]

فعلآ قووي همسك .. راق لي ماراق لك .. [ندعوك للتسجيل في المنتدى أو التعريف بنفسك لمعاينة هذه الصورة]

دائما مبدعه فواصلي على ابداعك .. [ندعوك للتسجيل في المنتدى أو التعريف بنفسك لمعاينة هذه الصورة]

وبنتظار جديدك وبكل شششوق .. =) [ندعوك للتسجيل في المنتدى أو التعريف بنفسك لمعاينة هذه الصورة]

فتقبلي خالص ودي واحترامي .. [ندعوك للتسجيل في المنتدى أو التعريف بنفسك لمعاينة هذه الصورة]